(( يا اللي عـذلتـوا ))
يا اللي عـذلتوا قلبي با اللي هـويته
المـبتلي مـثلي عــســى ربي يعــينه
مــاني بـطــــالبكم و لانـي شـــكـيته
ما غـيركم عـشـاق هـرج و ظــنينه
امفــرق الخــلان ماعـمــري نصـيته
و إن جـات شكـوى ماهي إلا غـبينه
لو على ذهـاب الروح اذهــب لبيـته
مليـون لبيـه له على حـسـه و لينـه
لو درب بيـته درب شـوك مـشـــيته
لجـــله كحيل العــين تكــرم مـــديـنه
لمــيت كل العــمـــر يـوم إلتـقــــيتـه
حـطـيت كل مـلكي في راحـــة يدينه
من غـير ما يطـلب عـيوني عـطـيته
و سلمت صك الروح فوقه رهـــيـنه
و ازيدكم بعــد علـمٍ تراني شــــريته
وزنت نفـسي ولا غــدت كـفه وزينه
طــلع هـواه أغـلى مـن عـمـر بنيـته
و بنـاين وصــله لا حـصـل مغـتنـينه
و من قال يلعـب بي تراني ما رعيته
و السمع عن حكي العواذل قاصرينه
خـلوه يلعـــب بي و أنا اللـي فـديتــه
مـسـتانسٍ على لعـبة كفــوف أمــينه
امـسـح تعـب كـفي و لكن ما محـيته
عطـر بقى في كف من صافح يمـينه
يا حلم في ذاك المـصـافح ما نسـيته
ذكـراه تروي عـطـش قلبـي سكـينه
و إن ضاع مني ادري إني ما لقـيته
مـاله شــبيهٍ في طــباعٍ ولا زينـــه
منقول ...............
موضوع: يا حلم ما نسيته 
السبت يوليو 16, 2011 2:14 pm
